الرئيسية
الـــــبوابـــه
أحدث الصور
التسجيل
دخول
من طرف محمد الجعلى محمد الجمعة مارس 26, 2010 4:16 amقبقة
يا الدهب النفيس الباهي لونك وغالي
شارد فكري فوقك وديمه سارح بالي
جيتك والعشم فوقك تتم أمالي
ياخي أديني منك بالحجار وتسالي
قبقبة نفسي ازوره وليها ناوي القومه
بي سبب الدهب عينينا جافت نومه
يا الله الكريم ادينا بوكسي وقومه
وابعدنا العوارض وقبضت الحيكومة
والبوكسي إن قبض حتماً مصيبتو مصيبة
حلمك بنتهي وعيشتك بتبقى عصيبة
بيصادرو الجهاز وعليك بفرضو ضريبة
تبكي علي وتحن زي الفقدت حبيبة
قبقبة ليها ماشي إن حتى بي كرعيه
أجمل من اقامة وشقة في المنشية
يالدهب المتبر ليك مني تحية
يا الله الكريم أطنان لكيك وخلية
مفقود السنين الليله جات أخبارو
راجع بي جهاز الليلة عاد لي دارو
خلاهو السفر شغلو الدهب وأخبارو
راجع للخلاء وعدسو وكتر غبارو
والحَلال فِضت عدمت شبابا رجاله
بي جيب الدهب صبحت نفوسا شغاله
سافروا قبقبة وقصدوا السيوح وجباله
والبيت الكبير الليلة حارسو حتاله
تسرح بالجهاز وتمني نفسك كيلو
تمسح في الأرض بي فد إشارة تشيلو
وإن حظك كعب واتمادى في بهديلو
تلعن أبو الدهب لي أبو البجي وبمشيلو
مزعج يا آب كدر صوتك غراب إن زمه
فالح في الحديد فوق الدهب ما نمه
طاط ما طاط وكورك وتاني ما بهتمه
انعل أبو صناعتك وما كذب من سمه
والداير الدهب يقع الجهاز الجيبي
أفضل مكتشف ياهو البيطفي لهيبي
يا رب العباد أتمنى بيهو تنغيبي
والقا لي خلية تزيد علي ترطيبي
قبقبة مرة قاسية وإلا مابتتملا
فيها دهب يحير لا كمل لا قلا
تزهج منها وترجع تجي وتتدلا
زي تمر الفكي وباقة عسل عوض الله
والعجب العجيب العيشه فيها تحير
الوش بالوسخ بصبح دشن متغير
أحلام المنام أحلاها تصبح نير
احلم تستحمى ولي اللبستو تغير
آ حليل اللحوم البدمع مرشوشه
فارقنا النعيم ومشينا دار الدوشه
ناكل في السخينة قرشنا لي قرقوشه
قرقوشاً قسم يجرح حشى الحنكوشه
فيها حقيقة مرة بقولا من جوايا
لومك في نهارك وشمسك الشوايا
لومك في سمومك ودا البيهد قوايا
وفي العدس البمحن والبجيب لوايا
وإن حظك سمح حتماً خليه غليده
تفرح وتنبسط روحك تزيد تنشيده
وإن حظك كعب ما تلقى فيها حديده
ترجع بالزعل حمى وعدم توريده
يا رب العباد أرزق جميع من زاره
يركب ليلى علوي ويبني بيتو عماره
في مسك الختام انا ودملوك الساره
ودالمك سراج إن قفه مابتجاره
يا الدهب النفيس الباهي لونك وغالي
شارد فكري فوقك وديمه سارح بالي
جيتك والعشم فوقك تتم أمالي
ياخي أديني منك بالحجار وتسالي
قبقبة نفسي ازوره وليها ناوي القومه
بي سبب الدهب عينينا جافت نومه
يا الله الكريم ادينا بوكسي وقومه
وابعدنا العوارض وقبضت الحيكومة
والبوكسي إن قبض حتماً مصيبتو مصيبة
حلمك بنتهي وعيشتك بتبقى عصيبة
بيصادرو الجهاز وعليك بفرضو ضريبة
تبكي علي وتحن زي الفقدت حبيبة
قبقبة ليها ماشي إن حتى بي كرعيه
أجمل من اقامة وشقة في المنشية
يالدهب المتبر ليك مني تحية
يا الله الكريم أطنان لكيك وخلية
مفقود السنين الليله جات أخبارو
راجع بي جهاز الليلة عاد لي دارو
خلاهو السفر شغلو الدهب وأخبارو
راجع للخلاء وعدسو وكتر غبارو
والحَلال فِضت عدمت شبابا رجاله
بي جيب الدهب صبحت نفوسا شغاله
سافروا قبقبة وقصدوا السيوح وجباله
والبيت الكبير الليلة حارسو حتاله
تسرح بالجهاز وتمني نفسك كيلو
تمسح في الأرض بي فد إشارة تشيلو
وإن حظك كعب واتمادى في بهديلو
تلعن أبو الدهب لي أبو البجي وبمشيلو
مزعج يا آب كدر صوتك غراب إن زمه
فالح في الحديد فوق الدهب ما نمه
طاط ما طاط وكورك وتاني ما بهتمه
انعل أبو صناعتك وما كذب من سمه
والداير الدهب يقع الجهاز الجيبي
أفضل مكتشف ياهو البيطفي لهيبي
يا رب العباد أتمنى بيهو تنغيبي
والقا لي خلية تزيد علي ترطيبي
قبقبة مرة قاسية وإلا مابتتملا
فيها دهب يحير لا كمل لا قلا
تزهج منها وترجع تجي وتتدلا
زي تمر الفكي وباقة عسل عوض الله
والعجب العجيب العيشه فيها تحير
الوش بالوسخ بصبح دشن متغير
أحلام المنام أحلاها تصبح نير
احلم تستحمى ولي اللبستو تغير
آ حليل اللحوم البدمع مرشوشه
فارقنا النعيم ومشينا دار الدوشه
ناكل في السخينة قرشنا لي قرقوشه
قرقوشاً قسم يجرح حشى الحنكوشه
فيها حقيقة مرة بقولا من جوايا
لومك في نهارك وشمسك الشوايا
لومك في سمومك ودا البيهد قوايا
وفي العدس البمحن والبجيب لوايا
وإن حظك سمح حتماً خليه غليده
تفرح وتنبسط روحك تزيد تنشيده
وإن حظك كعب ما تلقى فيها حديده
ترجع بالزعل حمى وعدم توريده
يا رب العباد أرزق جميع من زاره
يركب ليلى علوي ويبني بيتو عماره
في مسك الختام انا ودملوك الساره
ودالمك سراج إن قفه مابتجاره
