الرئيسية
الـــــبوابـــه
أحدث الصور
التسجيل
دخول
من طرف نزار القمبرات الأربعاء أغسطس 18, 2010 5:27 pmوصية سنير هي وصيه لطلاب الريف الذين اتو إلي العاصمة من
اجل التعليم بالجامعات والمعاهد العليا
وصية سنير
ودالريف
الخاشي الجامعه
ليكا وصيه
شاعر وسنير
سنير
قبلك عارف البيها
وأوعك فيها تضل تتغير
أوصي ضميرك
تعمل بيها
ولو خليته قسم تتحير
اوعه تحبلك بت في الجامعه
حياتك كلها بي تتكدر
تنشل جيبك وتسلب عقلك
واسمع نضمي وليهو اتزكر
ماتبراهو خطاها وتيههء
وتمشي معها وماتتأخر
وأوعه تغشك بي نظراته
وبي دوامة جيب الدفتر
بكره بتعزمك الكفتريا
وقلبك بيها يزوب إتكسر
مالك يكمل بي طلباته
ويوم ماتفلس بي تتغير
تنسا غرامك وعشقك ليها
وتتلا عبك وبي تتكبر
بتحب غيرك وتنسي حياتك
حب المال العندها بكبر
أوعك حاسب من بت حواء
كيدن اعظم لو تتزكر
قصة يوسف وستو زليخه
والإ القادر ربك ستر
يكشف عنو ضلاله وكيده
وفي جلبابو براءتو بتظهر
جد خايفلك من تتملحق
يوم في البورتي نتيجتك تظهر
تضحك فوقك هي وصاحباته
واوعا دموعك من تتقطر
أقراء وزاكر وثابر تنجح
فرح رب البيت الكبر
أبوك الباع أغنامو عشانك
ونقص عشيو
ورطل السكر
شان تتعلم وترفع راسو
وبيكا يباهي الأمه ويفخر
ورسل لي الوالداك جوابك
طمن قلبها شان تتصبر
ياخ إتزكر
حال القريه
وبت الريف المابتتغير
وأمك وأختك
وحاج أم حمد
وناس الحله
وعمك جعفر
ديل راجنك يوم
تتخرج
تجي بي شهادتك من البندر
ديل حالفين يوم ترجع
إغنو
ويضبحو تور والكل يتجمهر
يفرحو بيك وتبرّد جوفهم
ومادايرين غير شوفتك اكتر
واوعك تنسى
حشيش
المُنجل
وقلع
التوم
وزراعة
القنقر
وعيش
الصيف
راجيك بي
شربه
نفير الحله
وماتتحضر
وتنسي البيت
دايرلو زباله
عشان مايجيهو
خريف إتكسر
نفير الحله
والغنوم دايرات
السرحه
وجز الصوف
والعي
والصر
بت العم راجياك بي شوقه
ويكا ضراها وبيك تتستر....
ويابرلومه
الحاصل
واحد
ويمكن إنتي وصيتك أكبر
نفس الحاصل فوق في القصه
أوعك منو ومايتكرر
صلي
وصومي
وراجعي
دروسك
وهمك واحد خلي الدفتر
باكر تبقي معيدت جامعه
او دكتوره
طيبه
وسستر
خلي احلامك ضي للعتمه
وكوني الدره الاغلي وأندر
وأستري نفسك من خلق الله
وخافي المولي
وتيه البندر
أوعا يغرك لبس الموضه
وخوفي يصيبك
حب المظهر
وأعرفي إنك سودانيه
وفيك التوب الساتر
أنضر
أنسي الحب
والريد وجراحو
طريقو عزاب
ومأسي وأخطر
واعا يغشك بي الحنيه
وعاشق اليوم
لا قيس
لا عنتر
واوعك تفتحي قلبك مره
نحنا شباب العصر الاشتر
فيهو الحب يابنيه اكزوبه
وبي أسم الحب أعراض تتهدر
خافي الناس يابنيه وحاتك
وفرقي بين
الريف والبندر
يكفي مرام الرايحه ضحيه
مرام الضاعت
وآه لوبقدر
كان صحيت إحساس الدنيا
وكان الكون بي الطيب إتعطر
ويفنا الحب
لومسه حياتك
شرفك أسما
وشرفك أكبر
شيلي وصية أمك
أيه
وأرفعي راسه عشان تتبختر
ليكي تزغرد يوم الرجعه
وشايله شهاتدك
روعه
منظر
لو خليتي دراستك رايتك
وليكي سلام
تقدير
ود بربر....
